Да санетаў — карціны

У Азарыцкай сярэдняй школе з’явілася свая карцінная галерэя. Аўтар усіх 40 карцін, якія ўвасобілі маляўнічасць гарадскога пасёлка, — вядомая беларуская паэтэса Соф’я Шах, дарэчы, выпускніца гэтай школы.
Тое, што яна перш за ўсё паэтэса, бачна і з яе мастацкіх твораў. Вобразная акцэнтаванасць, лірычная трапятлівасць, адчуванне пейзажнай незвычайнасці ў звычайным… Софья Шах — аўтар вянка вянкоў санетаў, які так і называецца “Азарычы”. Усім сваім творчым памкненнем паэтэса сцвярджае вернасць дарагім мясцінам. Пра гэта свед-чыць і карцінная галерэя.
Дарэчы, школа, у многім дзякуючы таленавітым намаганням дырэктара Таццяны Цяцерыч, лічыцца адной з лепшых у Калінкавіцкім раёне. У тым маглі пераканацца ўдзельнікі нядаўняй сустрэчы, у якой прынялі ўдзел не толькі вучні і настаўнікі, але і тыя, з кім у свой час працавала Соф’я Шах у мясцовай дапаможнай школе-інтэрнаце.