Зачараваныя песняром

Гэта я з табой вечарую, Туманамі цябе я чарую... Усенародна любімыя творы з рэпертуару “Песняроў” у год 70-годдзя Уладзіміра Мулявіна ў выкананні Нацыянальнага акадэмічнага народнага аркестра імя Іосіфа Жыновіча прагучалі ў Гомелі. Вечар, прысвечаны памяці знакамітага музыканта, прайшоў у канцэртнай зале грамадска-культурнага цэнтра. Песні на вершы Максіма Багдановіча, Максіма Танка, Петруся Броўкі і Генадзя Бураўкіна выконвалі салісты Якаў Навуменка, Наталля Салава, Сяргей Якуш, вакальны гурт “Флірт” пад акампанемент аркестра, якім кіраваў дырыжор Аляксандр Крамко. Па-над белым пухам вішняў, Быццам сіні аганёк, Б’ецца, ўецца шпаркі, лёгкі Сінякрылы матылёк. Вось так бы слухаў і слухаў.