Майстар вярнуўся на радзіму — у Рагачоў

У Рагачове прайшлі першыя міжнародныя Капланаўскія чытанні “Вяртанне Майстра”. Рагачоўшчына дала чалавецтву шмат знакамітых людзей, выдатных дзеячаў літаратуры і мастацтва. І дзякуючы землякам вяртаюцца на радзіму імёны слаўных прадстаўнікоў культуры, сярод іх — мастак Анатоль Каплан, адзначыў старшыня Рагачоўскага райвыканкама Віктар Банчук. У мерапрыемствах прынялі актыўны ўдзел аўтар-складальнік і куратар праекта “Авангард на Няве” Ісак Кушнір, загадчыца аддзела Дзяржаўнага Рускага музея (г. Санкт-Пецярбург) Наталля Козырава, дырэктар цэнтра “Пецярбургская іудаіка” Валерый Дымшыц, загадчык аддзела Нацыянальнага мастацкага музея Беларусі Аляксей Хорак, дырэктар Музея Марка Шагала ў Віцебску Людміла Хмяльніцкая, іншыя ўдзельнікі чытанняў, прысвечаных творчасці знакамітага земляка.