Для кагосьці дровы, для кагосьці цуд

Выстава разьбы па дрэве дзевяці мастакоў Гомельшчыны адкрылася ў выставачнай зале абласнога цэнтра народнай творчасці па вуліцы Ірынін­скай. Усе майстры неаднойчы прымалі ўдзел у рэспубліканскіх і міжнародных фестывалях, конкурсах, пленэрах. На выставе, якая мае назву “Драўляны цуд”, прадстаўлены пано, аб’ёмная скульптура, праразныя вазы, посуд. Сярод удзельнікаў экспазіцыі — сябра саюза мастакоў Валерый Казлоўскі, сябры саюза майстроў Васіль Сілкоў і Мікалай Ляшкоў, дырэктар Добрушскага раённага цэнтра рамёстваў Валерый Мінкоў і іншыя.