Носьбіт этнічных традыцый

Адметнымі пеўчымі тэмбрамі ўсходняга Палесся, далікатнасцю перадачы эмацыянальна-гукавога строю сямейна-абрадавых песень зачаравалі слухачоў удзельнікі фальклорнага ансамбля Казлоўскага Дома культурна-сацыяльных паслуг. Самадзейныя артысты з Ельскага раёна выступілі падчас правядзення міжнароднага сімпозіума “Сучаснае музыказнаўства ў сусветнай навуковай прасторы”.На імя кіраўніцтва раёна на днях атрымана падзяка ад Беларускай дзяржаўнай акадэміі музыкі за ўдзел фальклорнага ансамбля з Ельшчыны ў этнаграфічным канцэрце. “Удзельнікі ансамбля з’яўляюцца носьбітамі этнічных традыцый, зберагаюць фальклорныя клады роднага краю, перадаюць песенную спадчыну нашчадкам”, — гаворыцца ў атрыманай падзяцы. М. БЯЛЬКОВІЧ