Мільярды на тэхнічныя навінкі

Спіс тэхнічных навінак ААТ “Калінкавіцкі рамонтна-механічны завод” папоўніў глебаапрацоўчы дыскавы агрэгат АД-600 “Рубін”. Як паведаміў начальнік аддзела маркетынгу і збыту Сяргей Глушчанка, першая партыя з дзесяці агрэгатаў паступіць на аграрныя прадпрыемствы нашай вобласці. Навінку ўжо набыў КВС “Даманавічы” ААТ “Калінкавічыхлебапрадукт”. Вытворчасць дыскатара наладжана з выкарыстаннем інвестыцыйнага крэдыту, што склаў больш за два мільярды рублёў, і да канца 2010 года гэтыя сродкі будуць асвоены.