Кукурузныя эксперыменты

Кукуруза на зерне ў аддзяленні “Яромінскае” агракамбіната “Паўднёвы” вырасла сёлета на славу: высокая, густая, з важкімі пачаткамі. Нават старэйшыя хлебаробы не помняць такой высокаўраджайнай “каралевы палёў”. Бадай што да ста цэнтнераў месцамі выйдзе з гектара. На адным полі вырошчваецца некалькі гібрыдаў лепшай айчыннай і замежнай селекцыі. Той з іх, які  ва ўмовах гаспадаркі дасць найбольшую ўраджайнасць зерня, як расказаў галоўны аграном М. С. Бараўкоў, і будзе ў асноўным выкарыстаны пад сяўбу наступнага года.