Курсам на Азербайджан

Сёлета з прыватнага вытворчага унітарнага прадпрыемства “Фанера-запалкавы камбінат” у Азербайджан упершыню адпраўлены два вагоны фанеры ёмістасцю па 100 кубаметраў кожны. Прадукцыя хутка знайшла пакупнікоў. Таму ў Гомель паступіў яшчэ адзін заказ на гэту прадукцыю. Як паведаміў дырэктар камбіната М. Ф. Геўрасёў, у бліжэйшы час плануецца заключыць кантракт са спажыўцамі сонечнай рэспублікі на доўгатэрміновыя пастаўкі фанеры.