У Гомелі на базе ГГУ імя Ф. Скарыны хутка пачне дзейнічаць антынаркатычны студэнцкі атрад

 Стварыць такія атрады ў навучальных установах Гомельшчыны прапанавалі праваахоўныя органы. Ідэя заснавана на правядзенні прафілактычных мерапрыемстваў у барацьбе з нарказлачынствамі, адзначыў старшы оперупаўнаважаны па асабліва важных справах упраўлення па наркакантролі і супрацьдзеянні гандлю людзьмі УУС аблвыканкама Дзяніс Кот. Асноўныя задачы дзейнасці студэнцкіх атрадаў – прапаганда здаровага ладу жыцця сярод равеснікаў, арганізацыя і правядзенне ў навучальных установах культурных і спартыўна-масавых мерапрыемстваў, накіраваных на адмоўнае стаўленне да наркатычных сродкаў.