У Гомелi прайшла гадзіна далучэння да беларускага слова

  У філіяле № 7 Гомельскай цэнтральнай бібліятэчнай сістэмы адбылася гадзіна далучэння да беларускага слова “Мова сэрца майго – беларуская мова”, прысвечаная Міжнароднаму дню роднай мовы. Пакуль жыве беларуская мова і развіваецца самабытная культура, жыве, мае гістарычную перспектыву беларускі народ. Свой уклад у развіцце і захаванне роднай мовы зрабілі I навучэнцы Гомельскага дзяржаўнага прафесійнага ліцэя чыгуначнага транспарту. Ліцэісты з цікаўнасцю прынялі ўдзел у інтэлектуальных гульнях “Я ведаю сваю мову”, “Перакладзі на беларускую мову”, “Ці ўмееце вы павітацца па-беларуску?” і ў конкурсах на веданне беларускай мовы “Самае прыгожае беларускае слова”, “Знаўцы беларускага фальклору”, “Пазнай слова па яго значэнні”.