З поля ў лазню

Яшчэ да ўборачных і іншых неадкладных палявых работ на  птушкафабрыцы “Рассвет” пабудавана добрая лазня з душам і пакоем для адпачынку. Зараз многія механізатары, адпрацаваўшы ў полі, маюць магчымасць памыцца і тут жа папіць чаю. Намеснік дырэктара сельгаспрадпрыемства Вячаслаў Бабіч адзначае, што кіраўніцтва птушкафабрыкі пастаянна ўдзяляе шмат увагі вырашэнню сацыяльных пытанняў. Напрыклад, зараз насупраць лазні завяршаецца будаўніцтва двухпавярховага дома механізатара з вучэбным класам і кабінетамі для спецыялістаў.