У бібліятэцы імя Герцэна адбудзецца фінал конкурсу “Лепшы чытач дзіцячых кніг”

Заўтра ў 11.00 у цэнтральнай гарадской бібліятэцы імя Герцэна адбудзецца фінал 7-га штогадовага конкурсу “Лепшы чытач дзіцячых кніг”, прысвечанага Міжнароднаму дню дзіцячай кнігі. 9 самых начытаных рабят — пераможцы з бібліятэк Гомеля будуць спаборнічаць у эрудыцыі. Заснавальнікам конкурсу з’яўляецца гарадская цэнтралізаваная бібліятэчная сістэма, а сузаснавальнікамі — обласныя аддзяленні Беларускага фонду міру, Саюза пісьменнікаў Беларусі і Беларускага дзіцячага фонду. Дзятва пазнаёміцца з выставамі новых кніг , сустрэнецца з любімымі літаратурнымі героямі і пакаштуе прысмакі на салодкім стале ў гонар падзеі.