На маторарамонтным заводзе асвоена вытворчасць мотакультыватараў

Разам з іншымі відамі мотатэхнікі на маторарамонтным заводзе асвоена і вытворчасць мотакультыватараў. Выпушчана і рэалізавана ўжо 400 адзінак. Асноўныя спажыўцы — дачнікі і гаспадары сялянскіх падвор'яў. Многія выпрабавалі новую тэхніку ў рабоце. У цэлым даюць добрую адзнаку і выказваюць пажаданні па далейшаму яе ўдасканальванню. Як паведаміў дырэктар завода Мікалай Ермакоў, пажаданні будуць абавязкова ўлічаны. Да веснавой пасяўной кампаніі 2013 года плануецца выпусціць больш тысячы мотакультыватараў.