Новы год Старой Лутавы

Народны вакальны калектыў “Лутава”, якім кіруе Тамара Шапавал, вядомы ў раёне не толькі сваімі самабытнымі спевамі, але і душэўнымі справамі. Вось і ў час навагодніх свят удзельніцы калектыву шчыравалі — ладзілі фальклорнае свята для малечы вёскі Старая Лутава. Парадаваліся ад душы і старыя, і малыя. А адміністрацыя сельскагаспадарчага кааператыва “Дняпровец” паклапацілася пра салодкі стол.