Дабрачынны дэпутацкі пачын

У рамках дабрачыннай акцыі “Дэпутацкі клопат — здароўе дзяцей”, ініцыятарам правядзення якой выступіў прэзідыум абласнога Савета дэпутатаў, Добрушскі раён наведала старшыня абласнога Савета дэпутатаў Марыя Бондар. Яна асабіста ўручыла выхаванцам Церахоўскай школы 10 мячоў. Усяго ж, дзякуючы дэпутатам вобласці ўсіх узроўняў, школы атрымалі каля трох тысяч мячоў, спартыўнае абсталяванне, а таксама камплекты аддзення для заняткаў фізічнай культурай. Таксама за кошт добраахвотных ахвяраванняў на рахункі навучальных устаноў пералічаны фінансавыя сродкі. Да дэпутацкай акцыі далучыліся прадпрыемствы, арганізацыі і фізічныя асобы.