Залескі народны хор адзначыў сваё 80-годдзе, як і належыць артыстам — на сцэне
- 3233
- 11:39
- 16.02.2015
Поделиться
Гэты творчы калектыў — старэйшы ў Чачэрскім раёне. Юбілейную вечарыну наладзілі ў родным аграгарадку Залессе на знаёмай сцэне кінаканцэртнага цэнтра. На ўрачыстасцях гучалі падвоеныя віншаванні: з нагоды дня нараджэння хору, а таксама 50-й гадавіны атрымання ганаровага звання народнага. Талент залескіх спявачак шырока вядомы ў суседніх рэгіёнах, на Міншчыне, Магілёўшчыне, Браншчыне і Чарнігаўшчыне. У скарбонцы творчых дасягненняў ганаровыя граматы і дыпломы за ўдзел у фестывалях і аглядах раённага, абласнога і рэспубліканскага ўзроўню.
Гэты творчы калектыў — старэйшы ў Чачэрскім раёне. Юбілейную вечарыну наладзілі ў родным аграгарадку Залессе на знаёмай сцэне кінаканцэртнага цэнтра. На ўрачыстасцях гучалі падвоеныя віншаванні: з нагоды дня нараджэння хору, а таксама 50-й гадавіны атрымання ганаровага звання народнага. Талент залескіх спявачак шырока вядомы ў суседніх рэгіёнах, на Міншчыне, Магілёўшчыне, Браншчыне і Чарнігаўшчыне. У скарбонцы творчых дасягненняў ганаровыя граматы і дыпломы за ўдзел у фестывалях і аглядах раённага, абласнога і рэспубліканскага ўзроўню.
— Без песень гэтага самабытнага калектыву нельга ўявіць культурнае жыццё раёна, — адзначыла начальнік аддзела ідэалагічнай работы, культуры і па справах моладзі райвыканкама Юлія Басаргіна. — Артысты Залескага народнага хору наведваюць з канцэртамі маланаселеныя вёскі, прымаюць актыўны ўдзел у мерапрыемствах горада і раёна.
Сёння ў творчым калектыве 20 удзельнікаў, а ў рэпертуары больш за 170 песень на беларускай, рускай і ўкраінскай мовах. Ёсць сярод вакалістаў сямейныя дынастыі і ветэраны сцэны. Ужо 65 гадоў у хоры Лідзія Бяляева. Сваімі галасамі здзіўляюць салісткі Еўдакія Загорцава і Еўдакія Бабкунова. Дарэчы, імя Еўдакія ў Залессі можна лічыць самым спеўным — яго носяць пяць удзельніц хору. Кіруе артыстамі больш за 20 гадоў Міхаіл Фіясь.
Павіншаваць калектыў з юбілейнай датай сабраліся даўнія сябры і аматары народных песень. Удзельнікі хору «Рэчанька» з Пухавіцкага раёна трапілі ў лік ганаровых гасцей невыпадкова. Кіраўнік ансамбля Раман Гейфман доўгі час узначальваў і Залескі хор.
На вечарыне юбіляры атрымалі граматы, падзякі і падарункі ад абласнога цэнтра народнай творчасці, райвыканкама і раённага Савета дэпутатаў. Ад мецэнатаў ААТ «Отар» і «Звязда» ўручаны сертыфікаты на 10 мільёнаў рублёў кожны.
Як расказала дырэктар Залескага кінаканцэртнага цэнтра і актыўная ўдзельніца хору Наталля Лукомская, новы ноўтбук спатрэбіцца для падрыхтоўкі канцэртаў. А грошы накіруюць на пашыў абутку да сцэнічных касцюмаў.
Реклама
