Сустрэча з паэтам-земляком у Роўкавіцкай сярэдняй школе Чачэрскага раёна

Сустрэча у беларускамоўнай школе праходзіла ў кабінеце роднай мовы, дзе сабраліся вучні старэйшых класаў, педагогі. Міхаіл Болсун з першых хвілін зацікавіў слухачоў аповедам старонак сваёй біяграфіі, а потым пранікнёна гаварыў пра мастацкую дзейнасць, тэматыку і праблематыку сваіх твораў, імкнуўся словам выклікаць шчырыя пачуцці, акцэнтаваў увагу на тым, як важна ў жыцці «не кім быць, а якім быць», як важна неабыякава адносіцца да сваёй прафесійнай справы. Зразумела, і пра адметнасць нашай роднай мовы ішла размова. Вучні пыталіся ў паэта таксама і пра зборнікі, вершы, пра пачатак літаратурнай працы, пра сучасную паэзію. Вучні чыталі на памяць вершаваныя творы паэта-земляка:

Вершы Міхася Болсуна прасякнуты любоўю да роднай зямлі, да Бацькаўшчыны, гераічнага мінулага, кранаюць душу пяшчотаю і дабрынёю, - падкрэсліў настаўнік беларускай мовы і літаратуры Васіль Рудабелец.

Амаль дзве гадзіны размовы з такім таленавітым чалавекам праляцелі незаўважна. На развітанне паэт падпісаў зборнік вершаў «Роднае, блізкае», пакінуў на памяць школьнікам аўтографы і незабыўныя ўражанні ад сустрэчы.