Чачэршчына — зямля маіх дзядоў…

Запамінальнай падзеяй напярэдадні Дня беларускага пісьменства стала для творчай інтэлігенцыі райцэнтра прэзентацыя кнігі “Чачэршчына нам дадзеная лёсам: мінулае, сучаснасць Чачэршчыны”. У цэнтральнай раённай бібліятэцы сабраліся ўсе, каго цікавяць звесткі пра традыцыйную духоўную культуру краю. Перад чачаранамі выступілі аўтары кнігі — дактары філалагічных навук, прафесары ГДУ імя Ф. Скарыны Уладзімір Коваль і Валянціна Новак, а таксама кандыдат філалагічных навук, дацэнт, намеснік дэкана філалагічнага факультэта ўніверсітэта Алена Палуян.