Камбайнавая атака

Адразу шаснаццаць камбайнаў вытворчасці “Гомсельмаша” прыступілі да ўборкі рапсу ў сельгаспрадпрыемстве “Андрэеўка-Агра”. “Дзякуючы такой моцнай камбайнавай атацы гэту культуру на 640 гектарах убяром за лічаныя дні і адразу ж пачнем абмалот збожжавых і зернебабовых культур, — сказаў дырэктар гаспадаркі Міхаіл Ражкоў. — Яны сёлета займаюць у нас больш за тры тысячы гектараў. І віды на ўраджай добрыя. Збор хлеба ў параўнанні з папярэднім годам плануецца павялічыць на трэць”.