На Тураўшчыне ў Пагосце прайшоў абрад «Юраўскі карагод»

13138
13:44
06.05.2020
Гомельская правда

Местные старожилы еще помнят, как накануне Юрьева дня всей деревней пекли каравай, в потом несли его в поле и водили хороводы вокруг на богатый урожай

У гэтым годзе з-за каронавіруса ўдзельнікаў абраду было зусім мала. Але, як і раней, нягледзячы на пагрозу, прыехалі фотакарэспандэнты з Мінска і Гомеля.

Усе збіраюцца каля клуба. Мясцовыя дзяўчаты плятуць вянкі з барвенкаў. Жанчыны ўпрыгожваюць галінкамі з папяровымі кветачкамі асноўны атрыбут свята – вялікі хлеб-карагод. Яго да поля нясе шаноўны жыхар вёскі, так званы ваявода.

Носьбіт абраду Кацярына Панчэня чытае малітву «Ойча наш», а ўдзельнікі спяваюць: «Карагод, карагод, мы цябе наражаем», «Ой, венцы-венцы, зялёны бярвенцы». На граблі чапляюць зялёны фартух.

Хлеб-карагод нясуць па вёсцы да поля, дзе расце азімае жыта ці пшаніца. Праз варотцы з ручніка праходзяць на поле, дзе ў цэнтры круга побач з хлебам-карагодам хлопчыкі трымаюць абраз і Калядную зорку. З поля ў вёску нясуць граблі ўжо з чырвоным фартухом.

«Юраўскі карагод» праводзіцца на Тураўшчыне дзеля добрага ўраджаю, працягу роду. У снежні 2019 года абрад быў уключаны ў Спіс нематэрыяльнай культурнай спадчыны ЮНЕСКА.