У свет пайшоў з Кармы... На роднай зямлі памятаюць Івана Шамякіна
- 4857
- 16:58
- 04.02.2021
Поделиться
У Добрушы і аграгарадку Карма Добрушскага раёна адсвяткавалі 100-годдзе з дня нараджэння народнага пісьменніка Беларусі Івана Шамякіна.
У Добрушы і аграгарадку Карма Добрушскага раёна адсвяткавалі 100-годдзе з дня нараджэння народнага пісьменніка Беларусі Івана Шамякіна.
Сама прырода падаравала ў гэтыя дні сапраўдную снежную зіму, якія і былі ў маленстве будучага класіка. І лясы Гомельскага раёна, і добрушскія хвойнікі нібы прыбраліся ў святочныя бялюткія строі, вітаючы векавы юбілей сына лесніка.
Родная зямля прыцягвае, падпітвае, дае сілы. Творчая інтэлігенцыя рэгіёна, жыхары Добруша пачалі свята з раённага краязнаўчага музея, дзе аформлена экспазіцыя, прысвечаная Івану Шамякіну. Многія пажадалі сфатаграфавацца ў імправізаваным рабочым кабінеце класіка, знаёміліся з фотавыставай «Летапісец эпохі». Пісьменнік клапаціўся, каб яго землякі, беларусы заставаліся чытаючай, культурнай нацыяй.
Усіх удзельнікаў свята вельмі кранула акцыя навучэнцаў і педагогаў Кармянскай сярэдняй школы: дзеці з кнігамі Івана Шамякіна стварылі ганаровую варту каля бюста пісьменніка ў цэнтры аграгарадка. Прысутных вітаў намеснік старшыні Добрушскага райвыканкама Руслан Сікорскі.
– Іван Пятровіч Шамякін – яркі прыклад пісьменніка-грамадзяніна, які прысвяціў свой агромністы талент служэнню Айчыне і роднай літаратуры. Кнігі пісьменніка выходзілі мільённымі тыражамі, заваёўвалі чытачоў інтрыгуючымі сюжэтамі і вострымі жыццёвымі тэмамі, перакладаліся на многія мовы свету, пераўтвараліся ў яркія сцэнарыі кінафільмаў і тэатральных пастановак. Ён сам стаў не толькі народным пісьменнікам, але сапраўды класікам нацыянальнай літаратуры XX стагоддзя, – падкрэсліў Руслан Уладзіміравіч.
У Кармянскай сельскай бібліятэцы, якая з 2016 года носіць імя Івана Шамякіна, шчыраўніца на ніве роднай культуры бібліятэкар Антаніна Якушэнка прадставіла выставы «Аўтограф на памяць», «Гомельскія пуцявіны пісьменніка», «Гонар Беларусі». У Доме культуры аграгарадка адбылася вечарына «Таленавіты сын Добрушскага краю». У фае свае ўнікальныя работы выставілі народныя майстры Добрушчыны – разьбяр па дрэве Валерый Мінкоў, майстар апрацоўкі бяросты Марыя Літвінава і майстар саломапляцення Анастасія Лапунова.
– Складана пераацаніць уклад Івана Шамякіна ў сусветную літаратуру, – адзначыла начальнік аддзела ідэалагічнай работы, культуры і па справах моладзі Добрушскага райвыканкама Алена Раздуева на вечарыне. – На творах Шамякіна расло і расце цэлае пакаленне землякоў. Іван Пятровіч – выхадзец з народа, і таму нам заўжды цікавыя яго творы: яны пра наша з вамі жыццё, простага сялянскага чалавека.
Шчыра падзяліліся сваімі згадкамі пра сустрэчы з літаратарам і знаёмства з яго кнігамі старшыня абласнога аддзялення Саюза пісьменнікаў Беларусі Уладзімір Гаўрыловіч, дырэктар абласной бібліятэкі імя Леніна Марына Рафеева, сваяк Івана Шамякіна мастак Васіль Калінін, член абласнога савета ветэранаў педагагічнай працы Валянціна Бондарава, ветэран культуры Валянціна Грынчык і іншыя.
Вельмі кранула, што юбілей земляка-класіка ўганараваў Добрушскі фарфоравы завод: на прадпрыемстве выпусцілі сувенір з выявай Івана Шамякіна і цытатай з рамана «Крыніцы», які пісаўся на роднай зямлі. Гэтая падстаўка для прылад пісьменніцкай працы, вырабленая ў форме кніжнага тома, будзе нагадваць пра 100-годдзе Івана Пятровіча і натхняць і паэтэсу-дабрушанку Вольгу Астапенка: менавіта на ўрачыстасці было абвешчана, што яна прынята ў Саюз пісьменнікаў Беларусі.
Іван Пятровіч Шамякін на лецішчы ў Церусе Гомельскага раёна. Фота з фондаў Добрушскага краязнаўчага музея
Сама прырода падаравала ў гэтыя дні сапраўдную снежную зіму, якія і былі ў маленстве будучага класіка. І лясы Гомельскага раёна, і добрушскія хвойнікі нібы прыбраліся ў святочныя бялюткія строі, вітаючы векавы юбілей сына лесніка.
Родная зямля прыцягвае, падпітвае, дае сілы. Творчая інтэлігенцыя рэгіёна, жыхары Добруша пачалі свята з раённага краязнаўчага музея, дзе аформлена экспазіцыя, прысвечаная Івану Шамякіну. Многія пажадалі сфатаграфавацца ў імправізаваным рабочым кабінеце класіка, знаёміліся з фотавыставай «Летапісец эпохі». Пісьменнік клапаціўся, каб яго землякі, беларусы заставаліся чытаючай, культурнай нацыяй.
Усіх удзельнікаў свята вельмі кранула акцыя навучэнцаў і педагогаў Кармянскай сярэдняй школы: дзеці з кнігамі Івана Шамякіна стварылі ганаровую варту каля бюста пісьменніка ў цэнтры аграгарадка. Прысутных вітаў намеснік старшыні Добрушскага райвыканкама Руслан Сікорскі.
– Іван Пятровіч Шамякін – яркі прыклад пісьменніка-грамадзяніна, які прысвяціў свой агромністы талент служэнню Айчыне і роднай літаратуры. Кнігі пісьменніка выходзілі мільённымі тыражамі, заваёўвалі чытачоў інтрыгуючымі сюжэтамі і вострымі жыццёвымі тэмамі, перакладаліся на многія мовы свету, пераўтвараліся ў яркія сцэнарыі кінафільмаў і тэатральных пастановак. Ён сам стаў не толькі народным пісьменнікам, але сапраўды класікам нацыянальнай літаратуры XX стагоддзя, – падкрэсліў Руслан Уладзіміравіч.
У Кармянскай сельскай бібліятэцы, якая з 2016 года носіць імя Івана Шамякіна, шчыраўніца на ніве роднай культуры бібліятэкар Антаніна Якушэнка прадставіла выставы «Аўтограф на памяць», «Гомельскія пуцявіны пісьменніка», «Гонар Беларусі». У Доме культуры аграгарадка адбылася вечарына «Таленавіты сын Добрушскага краю». У фае свае ўнікальныя работы выставілі народныя майстры Добрушчыны – разьбяр па дрэве Валерый Мінкоў, майстар апрацоўкі бяросты Марыя Літвінава і майстар саломапляцення Анастасія Лапунова.
– Складана пераацаніць уклад Івана Шамякіна ў сусветную літаратуру, – адзначыла начальнік аддзела ідэалагічнай работы, культуры і па справах моладзі Добрушскага райвыканкама Алена Раздуева на вечарыне. – На творах Шамякіна расло і расце цэлае пакаленне землякоў. Іван Пятровіч – выхадзец з народа, і таму нам заўжды цікавыя яго творы: яны пра наша з вамі жыццё, простага сялянскага чалавека.
Шчыра падзяліліся сваімі згадкамі пра сустрэчы з літаратарам і знаёмства з яго кнігамі старшыня абласнога аддзялення Саюза пісьменнікаў Беларусі Уладзімір Гаўрыловіч, дырэктар абласной бібліятэкі імя Леніна Марына Рафеева, сваяк Івана Шамякіна мастак Васіль Калінін, член абласнога савета ветэранаў педагагічнай працы Валянціна Бондарава, ветэран культуры Валянціна Грынчык і іншыя.
Вельмі кранула, што юбілей земляка-класіка ўганараваў Добрушскі фарфоравы завод: на прадпрыемстве выпусцілі сувенір з выявай Івана Шамякіна і цытатай з рамана «Крыніцы», які пісаўся на роднай зямлі. Гэтая падстаўка для прылад пісьменніцкай працы, вырабленая ў форме кніжнага тома, будзе нагадваць пра 100-годдзе Івана Пятровіча і натхняць і паэтэсу-дабрушанку Вольгу Астапенка: менавіта на ўрачыстасці было абвешчана, што яна прынята ў Саюз пісьменнікаў Беларусі.
Можам уявіць, якія б пажаданні сказаў землякам-пісьменнікам Іван Пятровіч. Сам ён быў вялікім працаўніком, чый шчодры кніжны ўраджай і зараз змагаецца за Беларусь, за нашы душы.
Реклама
