Супрацоўнікі лоеўскага музея бітвы за Днепр распачалі экскурсіі ў Днепра-Сожскім заказніку
- 3338
- 10:58
- 05.08.2020
Поделиться
Як паведаміла дырэктар музея Ксенія Сямашка, у рамках праекта з Беларускім Зяленым крыжам зараз ажыццяўляюцца такія вандроўкі школьнікаў Брагіншчыны ў гэты маляўнічы куток зарэчнай зоны Лоеўшчыны.
Як паведаміла дырэктар музея Ксенія Сямашка, у рамках праекта з Беларускім Зяленым крыжам зараз ажыццяўляюцца такія вандроўкі школьнікаў Брагіншчыны ў гэты маляўнічы куток зарэчнай зоны Лоеўшчыны.
Вельмі цікавай і пазнавальнай была сустрэча тут з дырэктарам заказніка Уладзімірам Дзяржынскім, які расказаў пра асаблівасці флоры і фауны. Рабяты з задавальненнем фатаграфаваліся каля 300-гадовага дуба, вывучалі нару лісіцы, дзівіліся, як бортнік Іван Осіпаў у свой час усцягнуў калоду-борць на высокае дрэва. Сваімі ўражаннямі, безумоўна, малодшыя школьнікі падзеляцца і з равеснікамі, і бацькамі.
— Наперадзе яшчэ чатыры групы брагінскіх школьнікаў-экскурсантаў, — зазначыла Ксенія Сямашка. — Дарэчы, аплочвае іх дастаўку і харчаванне Беларускі зялёны крыж. Мы ўпэўнены, што такія паездкі далучаюць дзяцей да прыгажосці роднага краю. У іх ёсць мажлівасць упэўніцца ў тым, што і паблізу ад дома ёсць унікальныя мясціны, якія варта ведаць і прапагандаваць.
— Наперадзе яшчэ чатыры групы брагінскіх школьнікаў-экскурсантаў, — зазначыла Ксенія Сямашка. — Дарэчы, аплочвае іх дастаўку і харчаванне Беларускі зялёны крыж. Мы ўпэўнены, што такія паездкі далучаюць дзяцей да прыгажосці роднага краю. У іх ёсць мажлівасць упэўніцца ў тым, што і паблізу ад дома ёсць унікальныя мясціны, якія варта ведаць і прапагандаваць.
Реклама
