Нацыянальная акадэмія навук праводзіць конкурс творчых пісьмовых работ

Творчая акцыя пройдзе да 23 жніўня: можна паўдзельнічаць у напісанні асабіста ці ў сааўтарстве арыгінальных эсэ, вершаў, апавяданняў, нарысаў і іншых творчых работ аб’ёмам да дзесяці друкаваных старонак. Прымеркаваны конкурс да сёлетняга Дня беларускага пісьменства ў горадзе Бялынічы Магілёўскай вобласці. Работы ацэняць супрацоўнікі цэнтра даследаванняў па такіх крытэрыях: грамадская актуальнасць, арыгінальнасць, мастацкі ўзровень і дасканаласць мовы. Прапануемыя тэмы: «За што я люблю свой край», «Мова маёй малой радзімы», «Родная зямля – крыніца натхнення», «Квітней, мая радзіма!».