12-14 лютага ў Раубічах пад Мінскам пройдзе фінал рэспубліканскіх спаборніцтваў “Снежны снайпер-2021”

У першынстве Беларусі сярод школьнікаў прымае ўдзел і юная біятланістка з Уборкаўскага дзіцячага сада-школы Лоеўскага раёна Аліна Еўдакімава. Яна на абласных спаборніцтвах у Гомелі ў асабістым заліку заняла прызавое другое месца.

Нагадаем: “Снежны снайпер” — масавыя спаборніцтвы сярод дзяцей і падлеткаў. Праводзяцца яны на прызы Прэзідэнцкага спартыўнага клуба з 2007 года. У іх удзельнічаюць не выхаванцы спартыўных школ, а ўлюбёныя ў біятлон рабяты.